Kawih teh asal kecapna tina kavy ( kawi ). Kawih ngandung harti nyaeta rakitan basa anu di tulis ku para pujangga ( seniman ) sarta miboga birama anu ajeg ( angger ).
Unsur-unsur Kawih :
Rasa : Ngagambarkeun Sikep
Nada : Sikep anu nulis ( sedih, nalangsa , adigung jsb )
Amanat : Pasualan nu haying di tepikeun
Tema : Ide Pokok
Jenis kawih
1. Kawih buhun / tradisional nyaeta kawih jaman baheula.
Contona ; banjar sinom
2. Kawih jaman jepang nyaeta kawih anu di ciptakeun pas jaman penjajahan jepang. Contona ; Es lilin, balon ngapung.
3. Kawih wanda anyar nyaeta kawih jaman ayeuna atawa modern.
Contona ; anggrek japati , angina priangan.
Kawih modern
# Peuyeum Bandung
Dimana-mana, di kampung di kota
Tos kakoncara, ku nimat rasana
Sampeu asalna, tur direka-reka
Naon namina, ku matak kabita
Peuyeum Bandung ka mashur
Pangaosna teu luhur
Ku sadaya kagaleuh
Sepuh jeung murang kalih
Mangga cobian, bilih panasaran
Peuyeum ti Bandung, henteu sambarangan
# Mojang Priangan
Angkat ngagandeuang, bangun taya karingrang
Nganggo sinjang dilamban, Mojang Priangan
Umat imut lucu, sura seuri nyari
Larak lirik keupat, Mojang Priangan
Diraksukan kabaya, nambihan cahayana
Dangdosan sederhana, Mojang Priangan
Diraksukan kabaya, nambihan cahayana
Dangdosan sederhana, Mojang Priangan
Mojang anu donto, matak sono nu nempo
Mun tepang sono ka Mojang Priangan
# Pahlawan Toha
Getih suci nyiram bumi, tulang setra mulang lemah
Babakti nyungkem pertiwi, cikal bugang putra bangsa
Nyatana Pahlawan Toha, Pahlawan Bangdung Selatan
Patriot di Dayeuh Kolot, Tugu diwangun ngajadi ciri
Tarate nu mangkak, Ligar di Empang
Jadi bukti gugurna, Pahlawan bangsa
# Isola
Isola Bumi Siliwangi, liliwatan Bandung lembang
Suku tangkuban parahu, ngabedega endah agreng sigrong
Isola Bumi Siliwangi, patapaan seuwe siwi
Meuseuh dirina prihatin, keur babakti demi lemah cai
Isola pada muru tijauhna, ka jojo sanusantara
Kader-kader keur harepan, ti isola mimitina
# Karatagan Pahlawan
Teu honcewang, sumoreang, tekadna pahlawan bangsa
Cadu mundur, pantang mulang, mun maksud tacan laksana
Berjuang keur, lemah cai, lali rabi tur tegang pati
Taya basa menta pamulang tarima, iklas rido keur korban merdeka
Sinatria danalaga, bela bangsa jeung nagara
Dibarengan tekad suci, berjuang keur lemah cai
Teu ngingetkeun ka dirina, asal nagri bangsa waluya
Kadar jembar raharja mukti wibawa, gembleng tujuan Pahlawan Bangsa
# Duh Indung
Duh indung ngaraksa ngajaring anak
Najan rungsing matak pusing
Heunteu weleh deudeuh, mikanyaah asih
Di mongmong jeung di titimang
Duh indung ngaping ngadama-dama anak
Ngamumule buah hate
Ngajungjung tur ngagung-ngagung
Anak di jieun puputon
Duh indung, duh indung
Timang titi ngamongmong anak
Duh indung, aduh indung
Teu kendat ngadudu'a
# Tanah Sunda
Tanah sunda, wibawa, gemah ripah, tur endah
Nungumbara suka betah
Orang sunda, sawawa, sing toweksa, perceka
Nyangga darma anu nyata
Seweh pajajaran, mungga tong kasmaran
Sing tuladen jeung rumasa
Miara pakaya, memang sawajibna
Geten titen rumawat tanah pusaka
Bubuy Bulan
Bubuy bulan, bubuy bulan sangray bentang
Panon poe , panon poe di sasate
Unggal bulan, unggal bulan abdi teang
Unggal poe,, unggal poe oge hade
Situ ciburuy laukna hese di pancing
Nyeredet hate ningali ngeplak caina
Duh eta saha nu ngalangkung unggal enjing
Nyeredet hate ningali sorot socana
# Manuk Dadali
Mesat ngapung luhur jauh di awang-awang
Mébérkeun jangjangna bangun taya karingrang
Sukuna ranggoas reujeung pamatukna ngeluk
Ngapak méga bari hiberna tarik nyuruwuk
Saha anu bisa nyusul kana tandangna
Gandang jeung perténtang taya bandinganana
Dipikagimir dipikasérab ku sasama
Taya karémpan kasieun lébér wawanénna
Manuk dadali manuk panggagahna
Perlambang sakti indonesia jaya
Manu dadali pangkakoncarana
Resep ngahiji rukun sakabehna
Hirup sauyunan tara pahiri-hiri
Silih pikanyaah teu inggis béla pati
Manuk dadali ngandung siloka sinatria
Keur sakumna bangsa jeung rahayat Indonésia
# Sabilulungan
Sabilulungan dasar gotong royong
Sabilulungan sipat silih rojong
Sabilulungan genténg ulah potong
Sabilulungan persatuan témbong (katémbong)
Tohaga (tohaga), rohaka (rohaka)
Teguh tanggoh perbawa sabilulungan
Sadia (sadia) sajiwa (sajiwa)
Segut singkil ngabasmi pasalingsingan
Anu sanesna : Wawacan bahasa sunda
loading...